|
| "與世界接軌" 這句話是我於瀋陽面試時, 最常出現的 phase (反而在上海沒怎樣聽過, 可能他們自覺已經接了軌吧!)
但單看搭飛機的一環, 就知道路程有多遠!
由上海飛瀋陽的一段, 由於人人都怕要等行李, 人人都要 hand carry, 2 個手拖o急都不肯寄艙... 一上機就人人爭先恐後放行李... 當然有人放不下行李, 結果要即時托運! 亦有乘客不肯托運 (以箱內有貴重物品為由, 亦因怕煩不願取出, 真係吹到 bear bear 聲 (雖然較粗俗, 但最能代表我心聲), 最後唯有屈就放於自己座位下! 這樣就 Delay 了十五分鐘!
落機 - 基本上飛機碌一到地, 很多人已經解安全帶, 取行李 (正常起碼都埋站泊好停機先行動吧!) 然後當然人人湧於走廊上 (咪又係要等!) 企得耐少少又覺累, 又在附近的空位坐坐 ...... 行李當然放於走廊上 !
_______________________________________________________________________________
| | |
| 真係唔讚得...昨天才讚完瀋陽好, 今天又一百八十度轉變了!
唉! 今天錢包被偷了!
終於有今日, 被偷後, 心情有點難過, 損失了二千元及我的"貞節牌坊" (幸好證件放在咭片袋中, 沒被偷) ... 一直以為自己好 "醒", 眼仔碌碌, 眉精眼企, 壞人落唔到手... 其實係豬頭炳, 頓時有點失落, 覺得自己無用...
麥當奴叔叔, 我會記住你 (或許去肯德基就可以倖免... 難道是肯德基上校對我的懲罰??? 因我昨天幫襯了貌似肯德基上校 (唐人版) 的"美國加州牛肉面 - 李先生 " (但李先生都唔可以成日幫襯, 實在太咸, 真的會吃出腎病來)
後來去了遊清故宮...市內地標... (Business Trip! WOW!!!)
心情回復正常
______________________________________________________________________________
| | |
| 實在太懶無耐 update 了
## 陶吉吉演唱會 ##
很投入的一次.... 好鍾意... 有點後悔沒有買埋最後一場!
插花: 可能因為太肉緊, 竟然不停的將那支吹氣棒棒打到漏氣...同埋, 不停用支棒棒 "篤" 到前面觀眾 (或許是潛意識對他們遲到入場的報復!)
## 香港 - 上海 - 瀋陽 ##
上海 ... 肥仔飲飲食食... 再續
由於跟一個 "話不投機半句多" 及不太獨立的同事一起, 所以覺得好悶, 自己又不敢太無情的冷落佢, 過了五天的連體嬰生活..我已經受夠了...星期六日一二...我都無理佢了, 自己同朋友去玩了 (絕對唔係蒲... 其實都係去美術館睇下exhibition, 同朋友由人民廣場行去瑞金賓館... 去人地屋企睇下碟 / 玩下層層疊 同飲野 )
精彩內容 - 再續
瀋陽
今天剛抵達瀋陽, 比我想像中好及繁榮... 這裡的人都很友善 (其實都是酒店服務員 / 的士司機 / 餐廳營業員)...(但據報很多黑社會).. shopping 的地方好集中... 雖然有點土, 但樣樣都有, shopping mall 及 walmart 都係酒店附近...明天再繼續
| | |
| 不安全感
得悉 "花園街殺手" 是懂面相 及 命理之後, 我經常覺得沒有安全感, 因為我會覺得她的主觀及古怪思想會影響我, 及影響她的判斷力, 有點 irrational....
今日, 她主動跟我講起, 最近新請的兩個同事 (自從我入職後, 請人已由我負責)
花園街殺手:
" 最近請的 xx 同 xx, 覺得佢地同我地一向請的人, 有點不同..."
" 你見我地d 同事個個都面圓圓, 眼圓圓, 但xx 同xx 佢地塊面好多角, 塊面多角即係個人會比較古惑同反骨, 總之就有d 古惑啦..... "
" 面圓圓即係代表, 個人老實, 信得過又肯做 "
我塊面圓唔圓, 對眼圓唔圓?
明天的 apprasial... .有點驚
_____________________________________________________________________________ | | |
| 一樣的婚宴
是夜參加了表妹的婚宴 (我跟這表妹完全不熟， 一年碰頭不到一次)
不知道是不是近年來流行．．．老土及流水作業式的Wedding Planner，令現今結婚都像樣版戲
基本 "流程" 如下：
1. 等入席前，先輪流播早上接新娘，玩遊戲片段 (例牌遊戲，愛的宣言，兄弟或新郎戴住胸圍食 Wasabi 壽司．．) (既不明白，亦實在無法忍受! ）
2. 入席時，大會再播放經典VCD，先是女方童年成長照，再來男方，然後的 Title 是．．"Our Love Story" - 拍拖照，再來是 "Our Wedding" - 婚妙照．． (背景音樂... 來來去去都是．．陶吉吉的"愛很簡單".... 張學友的 "我的名字妳的姓氏"...鄭伊健的"一生愛你一個" ... ) 
3. 新郎新娘進入會場
4. 新郎新娘 "合巹交杯"
5. 接吻環節... (接吻至"現場觀眾" 停止拍手, 或至司儀倒數...至停 ) 
6. 新郎新娘向父母道謝及送禮物
7. 各親友於預定的咭紙寫上祝福語句
8. 奇怪的遊戲環節.. (如每位來賓入場捐錢, 或買抽獎券... 進行抽獎... (跟我結婚有什麼關係? ) (這是公司Annual Dinner 抽獎? 標尾會?) 
9. 最 "羅"命是今晚的敬酒歌曲... 竟然是許冠傑的.."飲勝"
"飲勝 飲勝 大眾飲杯勁 .. 飲勝 飲勝 大跳扭扭擰
七分醉扮有二成 認真高鬼興 .... " 救命呀! 
Reminder: 如你下次要找類似的 wedding planner, 切記不要幫襯" 開心婚禮 - Simon Chan", 我們一眾親戚認為這是表妹婚禮中最爛最不堪的一個回憶!
(我從未見過 vcd 的第一章竟是 "開心婚禮 Simon Chan Mobile: 9xxxxxxx! 我起初以為新郎叫 "Simon" 心諗要佢個mobile "把鬼")
(原來是那wedding planner (uncle planner!) 自行賣廣告, 及於酒樓內不停自派咭片!)
___________________________________________________________________________
| | |
|
